Handritaskrif

Ómetanleg gögn koma í leitirnar

23
Nov

Ómetanleg gögn koma í leitirnar

11/23/2018

Í lok ágúst mánaðar 2018 hafði Gerold Büschen samband við Einar Magnús í kjölfar fréttaumfjöllunar um verkefnið Svartur sandur í þýska dagblaðinu Nordsee Zeitung. Þegar hann las umfjöllunina rifjaðist upp fyrir honum að forfaðir hans Georg Büschen var skipstjórinn á Friedrich Albert. Í umfjöllun Nordsee Zeitingum var hvatning til afkomenda skipbrotsmanna til að hafa samband við Einar Magnús því hann væri að leita af heimildum um mennina og ekki hvað síst líf þeirra eftir atburðina á Íslandi.

Kvikmyndatökufólk Radio Bremen sjónvarpsstöðvarinnar fylgdi Einari Magnúsi eftir í 2 daga og gerðu sjónvarpsþatt um rannsóknir hans og vinnu við verkefnið Svartur sandur

Það leið ekki á löngu uns Einar Magnús var í þriðja skiptið á skömmum tíma kominn upp í flugvél á leið til Þýskalands til að hitta Gerold því í samtölum þeirra í milli kom í ljós að hann bjó yfir ómetanlegum heimildum og fróðleik. Gerold bauð Einari Magnúsi ásamt kvikmyndatökufólki Radio Bremen í heimsókn til sín en Radio Bremen hafði óskað eftir því að fá gerðan sjónvarps- og útvarpsþátt um verkefnið Svartur sandur.

Einar Magnús sem á þessum tíma var að vinna að ítarlegri samantekt handritsins, svokallað Treatment, en enn vantaði ákveðin atriði inn i þá samantekt og þá ekki hvað síst heimildir skipbrotsmannanna sjálfra um þessar 11 daga hrakningar á Skeiðarársandi. Það var því stór og mikil stund þegar Gerold leiddi fyrir sjónir Einars afrit sem hann hafði gert af endurminningum forföður síns, skipstjórans, um hrakningarnar. Heftið heitir "Risið upp frá dauðum" en Georg hafði skrifað þær 3 árum eftir atburðina á Íslandi og tileinkað skrifin þeim þremur mönnum sem létust.

Heftið sem kom í leitirnar og greinir ítarlega með orðum skipstjórans frá raunum mannanna.

Þessi skrif hans voru gefin út í litlu hefti sem nánast allir voru búnir að gleyma að væri til - nema Gerold. Aðeins eru til tvö eintök af þessum skrifum en í þeim eru ítarleg frásögn skipstjórans af þeim ótrúlegu þrautum og raunum sem mennirnir gengu í gegnum.

Gerold Büschen ásamt heimilishundinum.

BIrt þann:

23/11/2018

í flokknum

Handritaskrif